BAE-de dikuçar heläkçilige uçrady

Birleşen Arap Emirliklerinde hususy uçar we dikuçar kireýine berýän kärhana degişli bir dikuçaryň ýere gaçmagy netijesinde 2 uçarmanyň ýogalandygy habar berildi. 

BAE-niň resmi habarlar agentligi WAM-a görä, Raýat awiasiýa edarasy, ýurtdaky Um-al-Kaýwaýn Emirliginiň deňiz kenarynda ýere gaçan dikuçar bilen bagly beýannama berdi. 

Ýere gaçan dikuçaryň AeroGulf kärhanasyna degişlidigi we dikuçaryň 2 uçarmanynyň ýogalandygy bellenen beýanatda, ýogalan uçarmanlaryň dogan-garyndaşlaryna gynanç bildirildi. 

Wakanyň näme sebäpli bolandygy derňelýär.