Fransiýada maýyplaryň galýan binada ýüze çykan ýangynda 11 adam ýogaldy
Fransiýanyň Elzas sebitinde maýyplaryň we olara ýoldaşlyk edýän adamlaryň galýan binada ýüze çykan ýangynda, binadan çykyp bilmedik 11 adamyň jesedi tapyldy
Ýokary Reýn sebitiniň gubernatorlygyndan berilen beýanata görä, sebitdäki Kolmar şäherinde maýyplaryň galýan Winsenhaým kampusyndaky binada düýn irden ýangyn ýüze çykdy.
Wakanyň bolan ýerine baran ýangyn söndürijiler 17 adamy halas edip, ýangyny gözegçilik astyna aldy.
Gubernatoryň orunbasary Natali Kilwasser binanyň içinde galan 11 adamyň jesediniň tapylandygyny habar berdi.
Ýangynda ýaralanan 1 adam bolsa hassahanada bejergi astyna alyndy.
Prezident Emmanuel Makron ozalky ady Twitter bolan X sosial media hasabyndan beren beýanatynda, Winsenhaýmdaky ýangynyň ýüze çykan binada maýyplar bilen olara ýoldaşlyk edýän adamlaryň galandygyny mälim etdi.
Ýangynda ýogalan adamlaryň dogan-garyndaşlaryna gynanç we ýangynyň ýaramaz täsir ýetiren adamlara duýgudaşlyk bildiren Makron, binadan ençeme adamy ewakuasiýa eden ýangyn söndürijilere minnetdarlyk bildirdi.
Degişli Habarlar
Sudanda Holera Epidemiýasy Sebäpli 473 Adam Ýogaldy
Salygy goraýyş ministrligi ýurdaky holera epidamasynyň dowam edýädigini habar berdi.
