Russiýanyň Ukraina garşy hüjümleri dowam edýär

Kiýew şäheriniň Harby edarasynyň başlygy Sergeý Popko sosial media hasabyndan beren beýanatynda, ruslaryň düýn gije Kiýew şäherine hüjüm gurandygyny we 1-nji iýun Bütindünýä Çagalar gününde çagalary öldürendigini habar berdi. 

Russiýanyň hüjümde ganatly we ballistik raketa ulanandygyny aýdan Popko: "Anyklanan ähli howa nyşanalary, goranmak güýçlerimiz we enjamlarymyz bilen ýok edildi" diýip mälim etdi. 

Popko raketanyň bölekleriniň adam pidalaryna we weýrançylyga sebäp bolandygyny belläp: "Kiýew şäheriniň Desna etrabynda raketanyň bölekleri bir poliklinikanyň we ýanyndaky köp gatly binanyň üstüne gaçdy. Şonuň netijesinde 3 adam ýogaldy, 10-a golaý adam ýaralandy. Bellemeli zat ýogalanlaryň arasynda 2 çaganyň bolmagydyr" diýip belledi. 

Popko Dnepr etrabynda öýleriň birine raketanyň bölekleriniň üstüne gaçmagy sebäpli zeper ýetendigini, duran ulagyň ýanandygyny aýan etdi.