Ukrainada 6 aý gizlenen rus esger tussag edildi
Ukraina Harkow welaýatyndaky terk edilen binalarda takmynan 6 aýyň dowamynda gizlenendigi bellenen bir rus esgeriniň tussag edilendigini habar berdi
Ady geçen 42 ýaşyndaky esger, polisiýa işgärleriniň Kupýansk-Wuzlowýi sebitindäki obalarda gözegçilik işlerini geçirýän mahaly göz tussaglygyna alyndy.
Esgeriň 27-nji rus aýratyn gwardiýa motoatyjy brigadanyň düzüminde bolandygy habar berildi.
Ukrainanyň Polisiýa gullugyndan mesele bilen bagly berilen beýanatda: "Tussag edilen rus esger Kupýansk sebitiniň Ukrainanyň Ýaragly güýçleri tarapyndan azat edilmeginden bäri gizlenendigini öňe sürdi" diýip habar berildi.
Ýönekeý raýat egin-eşiginde suraty paýlaşylan adamyň 6 aýyň dowamynda nädip gizlenendigi entek anyklanmady.
2022-nji ýylyň 24-nji fewralynda Russiýanyň Döwlet baştutany Wladimir Putin, Ukrainanyň basylyp alynmagy barada görkezme beripdi, şeýlelik bilen Russiýa-Ukraina söweşi başlapdy.
