Şyh Muhammed Bin Abdurrahman Al Sani Kataryň Premýer-ministri Boldy
Şyh Muhammed bin Abdurrahman Al Saniniň şol bir wagtda Daşary işler ministri wezipesini dowam etdirjekdigi nygtaldy
Kataryň Daşary işler ministri we Wise-premýeri Şyh Muhammed bin Abdurrahman Al Sani, ýurduň täze premýer-ministri boldy.
Emirlikden berlen ýazmaça beýannama görä, Kataryň Emiri Şyh Temim bin Hamed Al Sani, Premýer-ministr we Içeri işler ministri Şyh Halid bin Halife bin Abdulaziz Al Saniniň wezipesinden çekilýändigi hakyndaky arzasyny kabul etdi.
Kataryň Emiri Daşary işler ministri we Wise-premýer Şyh Muhammed bin Abdurrahman Al Sanini ýurduň täze premýer-ministri hökmünde belledi.
Şyh Muhammed bin Abdurrahman Al Saniniň şol bir wagtda Daşary işler ministri wezipesini dowam etdirjekdigi nygtaldy.
Şyh Halid bin Halife bin Abdulaziz Al Saniniň ýerine Içeri işler ministri hökmünde Emir Şyh Temimiň dogany Halife bin Hamed Al Halife Al Sani bellendi.
Ýurduň täze Premýer-ministri Şyh Muhammed bin Abdurrahman Al Sani, Kataryň Emiri Şyh Temimiň gatnaşmagynda geçirlen dabarada kasam edip wezipesine başlady.
Kataryň täze Premýer-ministri Şyh Muhammed bin Abdurrahman Al Sani 2016-njy ýylyň 27-nji ýanwarynda Daşary işler ministri, 2017-nji ýylyň 15-nji noýabrynda bolsa şol bir wagtda Wise-premýer hökmünde bellendi.
Degişli Habarlar
Gazada Ýogalanlaryň Sany 33 Müň 970 Adama Ýetdi
Ysraýylyň harby goşuny 195 günden bäri Gaza Sektoryny bombalaýar.
Ysraýyl Bilen Hizbullahyň Arasyndaky Çaknyşyklar Dowam Edýär
Ysraýyl, Liwanyň günortasynda ýerleşýän Hiýam etrapçasyna hüjüm gurady.
