Beýik Britaniýa: "Russiýa söweş meýdanyna köne tanklaryny çykarýar" diýdi

Beýik Britaniýanyň Goranmak ministrliginiň razwedka habarnamasynda: "Russiýanyň goşuny Ukraina söweşinde agyr sowutly ulaglardaky ýitgileriniň öwezini dolmak üçin 60 ýyllyk T-62 söweş tanklaryny ýerleşdirip, garşylyk görkezmäge synanyşýar" diýip habar berildi. 

Habarnamada: "Russiýanyň öňdebaryjy tank güýçleri hökmünde kabul edilýän 1-nji Tank goşuny hem ozalky ýitgileriniň öwezini dolmak üçin T-62 tanklar bilen üpjün ediljekdigi baradaky habarlar hakykata bap gelýär. Soňky günlerde ilkinji gezek 1954-nji ýylda öndürilen rus BTR-50 sowutly esger daşaýan tanklaryň hem ilkinji gezek Ukrainada ulanylandygy anyklandy. 2022-nji ýylyň tomus aýyndan bäri takmynan 800 sany T-62 tanky ammarlardan çykaryldy we käbirleri gije täsirlerini artdyrjak döwrebaplaşdyrylan nyşan almak ulgamlary bilen ornaşdyryldy" diýip beýan edildi. 

Habarnamada bu köne ulag görnüşleriniň döwrebap söweş meýdanynda ençeme howpsuzlyk ýetmezçiliginiň bardygy aýan edildi.