Eýran, Germaniýaly 2 Diplomady Islenmeýän Adam Hökmünde Yglan Etdi

Eýranyň içeri işlerine goşulşandygy sebäpli germaniýaly 2 diplomat islenmeýän adam hökmünde yglan edildi

1953339
Eýran, Germaniýaly 2 Diplomady Islenmeýän Adam Hökmünde Yglan Etdi

Eýran, Germaniýanyň Tährandaky ilçihanasynda işleýän 2 diplomady islenmeýän adam hökmünde yglan etdi.

Eýranyň Daşary işler ministrliginiň metbugat geňeşçisi Nesyr Kenani beren ýazmaça beýannamasynda, Germaniýanyň Tährandaky ilçisiniň Daşary işler ministrligine çagyrlandygyny mälim etdi.

Kenani, resmi Berliniň “Eýranyň içeri işlerine goşulşandygy we jogapkärçiliksiz hereketleri” sebäpli ýurtda iş alyp barýan germaniýaly 2 diplomadyň islenmeýän adam hökmünde yglan edilendigini we Germaniýanyň ilçisine mesele hakynda maglumat berlendigini nygtady.

Kenani, Eýranyň ilkinji nobatda özara sarpa laýyklykda gatnaşyklaryny dowam etdirmek isleýändigini belledi.

Eýran, merkezi ABŞ-da ýerleşýän resmi Tährana garşy tutum alyp barýan guramanyň lideridigi öňe sürülýän we ýurtda “terrorçylykly hüjüm guramakda günäkärlenýän” Eýranyň  we Germaniýanyň raýaty bolan Jemşid Şarmehdä 21-nji fewralada ölüm jezasyny beripdi.

Karara reaksiýa bildiren Germaniýa 22-nji fewralda Eýranyň Berlindäki geňeşçi ilçisini Daşary işler ministrligine çagyrypdy we Eýranyň ilçihanasynda işleýän 2 adamy islenmeýän adam hökmünde yglan edipdi.

Eýran bolsa Germaniýany ýurdunyň içeri içlerine goşulyşmakda günäkärläpdi.

 

 

 



Degişli Habarlar