Harabalygyň Aşagynda Doglan Aýa Bäbejigi Perzent Edinmek Üçin Müňlerçe Adam Ýüz Tutdy

6-njy fewralda güýç merkezi Kahramanmaraşda bolan ýer titremesinden soň Siriýada ýykylan binanyň harabalygynda doglan gyzjagazy perzent edinmek üçin müňlerçe adam ýüz tutdy.

Afriniň Jinderes etrapçasynda Aýa ýagny( gudrat) bäbejigi harabalygyň aşagynda dogdy.

Aýa bäbejigiň ejesi, kakasy we 4 dogany ýer titremesinde ýogaldy.

Aýa bolsa hassahanada bejergi alýar.

Hassahananyň lukmany Hani Maroug, duşenbe güni agyr ýagdaýda hassahana getirlen bäbejigiň ýagdaýynyň gün saýyn kadalaşýandygyny aýtdy.

Sosial media arkaly müňlerçe adam bäbejigi perzentlige almak üçin ýüz tutdy.

Hassahananyň müdüri lukman Atillah Halid, dünýäniň çar tarapyndan Aýany perzentlige almak üçin ýüz tutýanlaryň bardygyny nygtady.

Halid “Häzirki wagtda ony hiç kimiň perzentlige almagyna rugsat bermerin. Dogan garyndaşlary gelýänçä öz perzendim ýaly serederin” diýdi.