Terror Guramasy Boko Haramyň Hüjümleri Sebäpli Nigeriýany Terk Edenler Yzyna Dolanýar
6 ýyl ozal Boko Haramyň hüjümleri sebäpli sebiti terk eden 5 müň 704 adamyň öýüne dolandy
Nigeriýanyň demirgazyk gündogarynda terror guramasy Boko Haramdan gaçan we goňşy ýurtlara giden 5 müň 704 adam öýüne dolandy.
Nigeriýanyň hökümetinden berlen beýannamada, harby goşunyň Borno welaýatynyň Martte sebitinde howpsyzygy ýola goýandygy nygtaldy.
Beýannamada, 6 ýyl ozal Boko Haramyň hüjümleri sebäpli sebitden gaçan we goňşy ýurtlar Kamerun bilen Nigere giden 5 müň 704 adamyň öýüne dolandygy bellenildi.
Beýannamada, öýüne dolananlaryň hökümet tarapyndan gurlan binalara ýerleşdirlendigi ýatladyldy.
Nigeriýada 2000-nji ýyllaryň başyndan bäri iş alyp barýan Boko Haramyň, 2009-njy ýylda bäri guraýan terrorçylykly hüjümlerinde 20 müňden gowrak adam ýogaldy.
Terror guramasy 2015-nji ýyldan bäri goňşy ýurtlar Kamerunda, Çatda we Nigerde hem hüjümler guraýar.
Ýurtdaky terrorçylykly hüjümler we çaknyşyklar sebäpli ýüz müňlerçe adam ýurduny terk etdi.
