Täze Zelandiýa, Ukrainaly Esgerlere Harby Tälim Berer

Täze Zelandiýa, ukrainaly esgerlere harby tälim bermek üçin Britaniýa 120 hünärmen ugradar

1867926
Täze Zelandiýa, Ukrainaly Esgerlere Harby Tälim Berer

Täze Zelandiýanyň, ukrainaly esgerlere harby tälim bermek üçin Britaniýa goşmaça 120 hünärmen ugratjakdygy habar berildi.

Täze Zelandiýanyň Premýer-ministri Ardern, Ukrainanyň özüni goramagy üçin halkara derejesinde tagalla edilýändigini ýatlatdy.

Ardern şol tagallalaryň çäginde ýene-de 120 hünärmeniň ukrainaly esgerlere tälim bermegi üçin Britaniýa ugradyljakdygyny belledi.

“Watanyny we halkyny rus hüjümlerine garşy guraýan Ukraina” goldaw bermäge dowam ediljekdigini nygtan Ardern, ilkinji nobatda ukrainaly esgerlere harby tälim berilmelidigini ýatlatdy.

Täze Zelandiýanyň Goranmak ministri Peni Enare, Täze Zelandiýaly hünärmenleriň ukrainaly esgerlere Britaniýada harby tälim bermäge dowam etjekdigini we Ukraina girmejekdigini mälim edipdi.

Täze Zelandiýa maý aýynda hem 30 hünärmeni ukrainaly esgerlere tälim bermegi üçin Britaniýa ugradypdy.

Britaniýaly, Gollandiýaly, Kanadaly we Täze Zelandiýaly harby hünärmenler, ukrainaly on müňlerçe esgere Britaniýada tälim berýär.

Russiýa, 24-nji fewralda Ukraina garşy hüjüm başladypdy.

 



Degişli Habarlar