Russiýa Latyn Amerika, Aziýa we Afrika Ýurtlary Bilen Ýakyndan Gatnaşyk Edýär
Putin, “Armiýa” atly VIII halkara Harby-tehniki forumyň açylyş dabarasynda çykyş etdi.
Russiýanyň döwlet Ýolbaşçysy Wladimir Putin, Latyn Amerika, Aziýa we Afrika ýurtlary bilen edilýän gatnaşyklara uly ähmiýet berýändiklerini nygtap, “Ýurtlarymyzyň tapawutly materiklerde ýerleşýän birnäçe hyzmatdaşynyň bolmagyna hoşallyk bildirýäris. Bular hökümrowanlyga boýun egmeýän döwletler” diýdi.
Putin, paýtagt Moskwada geçirilýän we 21-nji awgusta çenli dowam etjek “Armiýa” atly VIII halkara Harby-tehniki forumyň açylyş dabarasynda çykyş etdi.
Latyn Amerika, Aziýa we Afrika döwletleriniň garaşsyz syýasat alyp barýandyklaryny nygtan Putin, “Özygtyýarly, garaşsyz galkynyş ýoluny saýlap aldylar. Halkara we sebitara howpsyzlyk meselesini, halkara hukugyň çäginde özara bähbide laýyklykda çözmek isleýärler. Şeýlelikde köp blokly dünýäniň goralyp saklanmagyna goşant goşýarlar” diýdi.
Russiýanyň esasan Latyn Amerika, Aziýa we Afrika ýurtlary bilen ýakyndan gatnaşyk edýändigini ýatladan Putin, “Latyn Amerika, Aziýa we Afrika döwletleri bilen edilýän güýçli dostukly gatnaşyklara uly ähmiýet berýäris. Biz ýaranlarymyza we hyzmatdaşlarymyza, kiçi ýaraglardan sowutly ulaglara, topçulara we uçarmansyz howa ulaglaryna çenli döwrebap goranyş ýaraglaryny bermäge taýar” diýdi
