BMG, Galla Ýüklenen Ilkinji Gäminiň Odessadan Ugramagyna Hoşallyk Bildirdi
“Baş sekretar, 26-njy fewraldan bäri Ukrainanyň Odessa portyndan ilkinji söwda gämisi Razoniniň ugramagyna hoşallyk bildirýär”
BMG-nyň Baş sekretarynyň metbugat geňeşçisi Stefan Dužarriç, BMG-nyň Baş sekretary Antoniu Guterreşiň, galla ýüklenen ilkinji gäminiň Ukrainanyň Odessa portundan ugramagyna hoşallyk bildirendigini belledi.
Ilkinji gäminiň Odessadan ugramagy hakynda maglumat beren Dužarriç, “Baş sekretar, 26-njy fewraldan bäri Ukrainanyň Odessa portyndan ilkinji söwda gämisi Razoniniň ugramagyna hoşallyk bildirýär” diýdi.
Stambulda 22-nji iýulda gazanylan galla ylalaşygynyň çäginde Odessadan çykan ilkinji gäminiň Liwanyň Tripoli portuna 26 müň 527 tonna mekgejöwen alyp gidendigini aýdan Dužarriç “Galla we azyk önümleriniň howpsyz ýagdaýda halkara bazarlara ýetirilmegi diýseň möhüm” diýdi.
BMG-nyň Baş sekretarynyň metbugat geňeşçisi Stefan Dužarriç, BMG-nyň, Ukrainanyň, Russiýanyň we Türkiýäniň wekilleriniň eden tagallasy netijesinde ilkinji gäminiň Odessadan ugrandygyna ünsi çekdi.
Dužarriç “BMG-nyň Azyk maksatnamasy Ukraiandan 30 müň tonna bugdaý satyn almagy meýilleşdirýär” diýip belledi.
