Russiýanyň Ukrainadaky hüjümlerinde azyndan 313 çaga ýogaldy
Russiýanyň Ukrainadaky hüjümlerinde azyndan 313 çaganyň ýogalandygy habar berildi
Ukrainanyň Baş Prokuraturasyndan berilen beýanatda, Russiýanyň goşunynyň Ukrainada guran hüjümleriniň netijesinde 313 çaganyň ýogalandygy, 579 çaganyň bolsa ýaralanandygy mälim edildi.
Ukrainanyň Baş Prokuraturasyndan berilen beýanatda Donetsk sebitinde 291 çaga, Harkow sebitinde 169 çaga, Kiýew sebitinde 116 çaga, Çernigow sebitinde 6 çaga, Lugansk sebitinde 54 çaga, Herson sebitinde 52 çaga, Nikolaýew sebitinde 48 çaga, Zaparožýe sebitinde 30 çaga, Sumi sebitinde bolsa 17 çaganyň söweşde ýaralanandygy aýan edildi.
Ukrainanyň Baş Prokuraturasy mundan başgada Russiýanyň hüjümleriniň netijesinde Ukrainada azyndan 1985 bilim ojagyna zyýan ýetendigini we şolaryň 194-siniň dolulygyna ýumrulandygyny habar berdi.
Şol maglumatlaryň doly bolmandygy, wagtlaýyn häsýetde basylyp alynan we azat edilen sebitlerde anyklaýyş işleriň dowam edýändigi aýan edildi.
