Russiýa-Ukraina Söweşinde Ýogalan Rus Esgerleriniň Sany 32 Müňe Golaýlady

Ukraina, 24-nji fewraldan bäri dowam edýän söweşde ýogalan rus esgerleriniň sanynyň 32 müňe golaýlandygyny habar berdi.

Ukrainanyň Baş ştabyndan berlen beýannamada, fewral aýynyň 24-i bilen iýun aýynyň 10-y aralygynda rus goşunlarynyň söweşde çeken ýitgisi hakynda maglumat berildi.

Beýannama görä, Ukrainada 31 müň 900 rus esgeri öldürildi.

Rus goşunlaryna degişli 212 uçar, 178 dikuçar, 1409 tank, 3 müň 450 sowutly ulag, 712 top, 125 raketa, 222 raketa ulgamy we 97 howa goranyş ulgamy hatardan çykaryldy.

Ukrainanyň ýaragly güýçleri soňky 24 sagatda ýurduň günortasyndaky front liniýasynda 33 rus esgeriniň öldürlendigini, Grad raketa ulagmynyň, 8 uçarmansyz howa ulagynyň we duşmanyň 3 ýarag ammarynyň hatardan çykarlandygyny mälim etdi.