Eýran Haos Döredýändigi Sebäpli 2 Ýewropalyny Saklady

Eýran ÝB-niň gepleşik toparynyň Ýolbaşçysy Enrike Moranyň Tährana saparynyň dowam edýän günlernde ýurtda “haos emele getirmek, jemgyýetçilik düzünleri bozmak we durnuksyzlyk döretmek” boýunça meýilnama düzendikleri sebäpli iki ýewropalyny saklandygyny habar berdi. 

Eýranyň Razwedka ministrliginiň ýazmaça beýannamasyna görä saklanan ýewropalylar ýurtdaky käbir gatlaklaryň ýerlikli talaplaryny ýoýup we ondan hyýanatçylykly peýdalanyp “haos emele getirmek, jemgyýetçilik düzünleri bozmak we durnuksyzlyk döretmek” islemekde günäkärlenýär.

Beýannamada şol adamlaryň haýsy ýurduň raýatydygy hakynda maglumat berilmedi.

ÝB-niň Daşary gatnaşyklar gullugynyň Baş sekretarynyň orunbasary we Syýasy direktory Enrike Mora ABŞ bilen Eýranyň rasynda çözgütsiz galan meseleler sebäpli çykgynsyzlaşan Awstriýanyň paýtagty Wenadaky ýadro gepleşiklerini gaýtadan başlatmak üçin düýn agşam Tährana barypdy.

Ýurtda iki ýewropalynyň saklanmanyn Wenadaky ýadro gepleşikleriniň utgaşdyryjysy we ÝB-niň gepleşik toparynyň başlygy Moranyň sapary bilen bir güne gabat gelmegi ünsleri çekdi.

Şwesiýanyň Daşary işler ministrligi hem 6-njy maýda Eýranda bir raýatynyň tussag edilendigini habar beripdi.