“ABŞ-nyň we NATO-nyň Ulaglaryny Kanuny Harby Nyşanalar Hökmünde Görýäris”

Russiýanyň Daşary işler ministriniň orunbasary Sergeý Rýabkow, Ukraina ýarag daşaýan ABŞ-nyň we NATO-nyň ulaglaryny “kanuny harby nyşanalar” hökmünde görýändiklerini aýtdy.

Sergeý Rýabkow, rus TASS habarlar gullugyna beren beýannamasynda, Günbatarly ýurtlaryň Ukrainadaky aksiýalary hakynda maglumat berdi.

ABŞ-nyň Ukraina ýarag kömegini berýändigine ünsi çeken Rýabkow, bu şerletde amerikan hökümeti bilen Ukrainadaky ýagdaý meselesinde ýakyndan aragatnaşyk saklanmagynyň “manysyzdygyny” nygtady.

Rýabkow “Şol bir wagtda, Amerikalylara we Günbatarlylara, operasiýalarymyzy bökdemek, rus harby güýçerine, Donesk we Lugansk halk respublikalarynyň gurulmagy etabyna zeper ýetirjek tagallalarynyň öňüni aljakdygymyzy düşündirmäge çalyşýarys. Olara, Ukraina ýarag daşaýan ABŞ-nyň we NATO-nyň ulaglaryny kanuny harby nyşana hökmünde görýändigimiz meselesinde duýduryş berýäris” diýdi.

Russiýanyň Goranmak ministrliginiň metbugat geňeşçisi Igor Konaşenkow bolsa, Ukraina tarapyndan Russiýa guralýan hüjümler dowam eden halatynda, rus goşunynyň Kiýew bilen birlikde ähli merkezleri nyşana aljakdygyny aýtdy.

Igor Konaşenkow, paýtagt Moskwada beren beýannamasynda, Ukrain güýçleriniň, Russiýa hüjüm guramaga synanşandygyny öňe sürdi.

Konaşenkow “Şuňa meňzeş wakalar dowam eden halatynda, Rus ýaragly güýçleri Kiýew bilen birlikde ähli merkezleri nyşana alar” diýdi.