Belarussiýa ýurtdaky ukrainaly diplomatlaryň sanyny azaldýar
Belarussiýa, Ukrainanyň Minsk şäherindäki ilçihanasynda işleýän diplomatlaryň sanynyň 72 sagadyň içinde azaldylmagy we Brest şäherindäki konsullygyň ýapylmagy barada karar kabul etdi
Belarussiýanyň Daşary işler ministrliginiň Metbugat sekretary Anatoliý Glaz, Ukraina tarapyndan 2020-nji ýyldan bäri gatnaşyklaryň ýok edilmegini maksat edinýän duşmançylykly aksiýalar edendigini belledi.
Ukrainanyň resmileriniň gönüden we aýlawly ýagdaýda Belarussiýanyň içerki işlerine goşulmaga başlandygyny aýdan Glaz, resmi Kiýewiň iki döwletiň arasyndaky gatnaşyklary togtadandygyny we geçen ýyl Belarussiýany iň ýokary derejede duşman ýurt hökmünde häsýetlendirendigini beýan etdi.
Belarussiýa şol sebäpli öz territoriýasyndaky ukrainaly diplomatlaryň sanyny 72 sagadyň içinde azaltmak barada karar alandyklaryny aýdan Anatoliý Glaz: "Belarussiýa tarapy işgärleriň ýetmezligi sebäpli Ukrainanyň Brest şäherindäki konsullugyny ýapmak barada karar kabul etdi" diýip habar berdi.
Degişli Habarlar
Malaýziýada 2 harby dikuçar çakyşdy
Malaýziýada 2 harby dikuçaryň çakyşmagy netijesinde 10 adam ýogaldy
