Russiýa Agyr Jerime Çekmeli Bolar
ABŞ-nyň Prezidenti Jo Baýden “Russiýa agyr jerime çekmeli bolar” diýdi.
Jo Baýden Ak Tamda geçiren metbugat ýygnagynda çykyş etdi.
Donesk we Lugansk Halk Respublikalary diýilýän ýerleri ykrar eden Russiýanyň döwlet Ýolbaşçysy Wladimir Putinin sebiti ele geçirmek isleýändigini aýdan Baýden; “Ol basyp alyjylygyň başlangyjy. Putin gönüden Ukrainanyň özygtyýarlylygyna hüjüm etdi. Russiýa global parahatçylyga we durnuklylyga howp salýar” diýdi.
Bu wakalar sebäpli 2 sany uly rus maliýe firmasyna sanksiýa goýandyklaryny, Putine ýakyn bolan adamlara hem sanksiýa goýjakdyklaryny aýdan Amerikanyň prezidenti; “Russiýa hüjümleri dowam etdirse, iňňän agyr jerime çeker, sanksiýalary giňelderis” diýdi.
Russiýa bilen söweşmek niýetleriniň ýokdugyny, emma NATO-nyň terroritoriýasyny gorajakdyklaryny nygtan Jo Baýden, Baltika ýurtlaryndaky Amerikan harby güýçleriniň sanyny artdyrjakdyklaryny, Ukraina goranyş ýaragyny bermäge dowam etjekdiklerini aýtdy.
Baýden; “Henizem iň agyr netijäni özgertmek üçin wagt bar” diýdi.
Degişli Habarlar
Ysraýylly Ýesirleriň Hossarlary Protest Ýörişlerini Dowam Etdirýär
Protestçylar Netanýahunyň ýolbaşçylygyndaky hökümetden ýesirleriň yzyna getirilmegini talap etdi.