“Russiýa Bilen Diplomatik Gatnaşyklarymyzy Bes Edip Bileris”

Ukrainanyň Prezidenti Wladimir Zelenskiý, separatistleriň dolanşyk diýilýän ulgamyny ykrar edendigi sebäpli Russiýa bilen diplomatik gatnaşyklary bes edip biljekdiklerini aýtdy.

Zelenskiý, Estoniýanyň Prezidenti Alar Karis bilen paýtagt Kiýewde bolan duşuşygyndan soň metbugata beýannama berdi.

Ukrainanyň Daşary işler ministrliginiň, Russiýa bilen diplomatik gatnaşyklaryň bes edilmegini talap edýändigini nygtan Zelenskiý bu meseläni ara alyp maslahatlaşjakdyklaryny belledi.

Dünýäniň, Gruziýada 2008-nji ýylda goýlan ýalňyşlygyň gaýtalanmagyna rugsat bermejekdigini aýdan Zelenskiý, Russiýanyň hüjüm ediji syýasatyna garşy agyr sanksiýalaryň goýulmagy meselesinde ylalaşyk gazanylandygyny belledi.

Zelenskiý sanksiýalaryň Demirgazyk Akym-2 turba geçijisiniň dolulygyna saklanmagyny hem öz içine almalydygyna ünsi çekdi.

Russiýanyň döwlet Ýolbaşçysy Wladimir Putin düýn agşam Donesk we Lugansk Halk Respublikalarynyň garaşsyzlygyny ykrar edýän karary tassyklapdy.