Yrakda DAIŞ-e garşy howa operasiýasy guraldy
Yragyň gündogaryndaky Diýala şäherinde terror guramasy DAIŞ-e garşy geçirilen howa operasiýasynda 9 terrorçy öldi
Yragyň Goranmak ministrligine degişli Howpsuzlyk Media öýjügi tarapyndan berilen ýazmaça beýanatda, Milli howpsuzlyk gullugynyň Uzaým etrabynda ýurdyň Ýaragly güýçlerine garşy hüjüm guraýan terrorçylykly toparlaryň bardygynyň anyklandygy habar berildi.
Yragyň F-16 harby uçarlarynyň sebite 3 aýry howa hüjümini gurandygy we 9 terrorçynyň ölendigi bellenen beýanatda, guramanyň agzalaryny yzarlama operasiýalarynyň bolsa dowam edýändigi mälim edildi.
Yragyň Harby razwedkasy Facebook sahypasyndan beren beýanatynda, hüjümde ýogalan DAIŞ-lileriň 4-siniň liwanlydygy habar berildi.
Terror guramasy DAIŞ tarapyndan 21-nji ýanwarda Diýala welaýatynyň Uzaým etrabynda ýurdyň goşunyna garşy guralan hüjümde 11 yrakly esger ýogalypdy.
Degişli Habarlar
Ysraýyl 201 Günden Bäri Gazany Bombalaýar
Gaza Sektorynda ýogalanlaryň sany soňky 24 sagatda 79 adam artyp 34 müň 262 adama ýetdi.
