“Eýran, Saud Arabystany Bilen Diplomatik Gatnaşyklara Taýar”

Eýranyň Daşary işler ministri Hüseýin Emir Abdullahiýan, Saud Arabystany bilen geçirilýan gepleşiklerde öňe gidişlik edilendigini nygtap, “Biz Saud Arabystany bilen diplomatik gatnaşyklara taýar” diýdi.

Sputnigiň berýän habaryna görä, Hüseýin Emir Abdullahiýan, Kataryň köpçülikleýin habar beriş serişdelerine beren beýannamasynda, Saud Arabystany bilen geçirilýän gepleşikler hakynda maglumat berdi.

Saud Arabystany bilen geçirilýän gepleşikleriň dowam edýändigini aýdan Abdullahiýan “Biz Saud Arabystany bilen diplomatik gatnaşyklara taýar” diýip belledi.

Daşary işler ministri Abdullahiýan “Ýakynda Eýranyň yslam Hyzmatdaşlyk guramasyndaky wekilleri Saud Arabystanyň Jidde şäherine dolanar. Bu özara gatnaşyklaryň ösmegi taýdan uly özgerlişik” diýdi.

Saud Arabystaynyň sebitara meseleleri hem ara alyp maslahatlaşmak isleýändigini ýatladan Abdullahiýan, Eýranyň sebitara hyzmatdaşlyga uly ähmiýet berýändigini nygtap, “Sebitara meseleleriň çözülmeginde Saud Arabystany, Türkiýe we Müsür bilen edilýän hyzmatdaşlyk we geçirilýän gepleşikler biziň üçn möhüm” diýdi