Putin Bilen Sisi, Liwiýa Meselesi Hakynda Pikir Alyşdy

Müsürüň Prezidenti Abdulfettah As Sisi, Russiýanyň döwlet Ýolbaşçysy Wladimir Putin bilen Liwiýada başdan geçirilýän soňky wakalar hakynda pikir alyşdy.

Müsür tarapyndan berlen ýazmaça beýannama görä, Sisi, Putin bilen telefon arkaly söhbetdeşlik geçirdi.

Liwiýada başdan geçirilýän soňky wakalar hakynda pikir alyşan Sisi bilen Putin, Liwiýadaky krizisiň çözülmegi we terror guramalaryna garşy ýakyndan hyzmatdaşlyk edilmegi meselesinde Müsür bilen Russiýanyň ylalaşyk gazanandygyny nygtady.

Müsüriň Prezidenti Sisi, Liwiýadaky taraplaryň arasyndaky düşnüşmezligiň ortadan aýrylmagy üçin tagalla etmäge dowam etjekdiklerini belledi.

Müsür-Russiýa gatnaşyklary hakynda hem durup geçen Sisi, ýurdunyň Russiýa bilen edýän gatnaşyklaryny ähli tarapalýyn ösdürmek isleýändigini ýatlatdy.

Rus lideri Putin hem, Müsür bilen edýän gatnaşyklaryny pugtalandyrmagy arzuw edýändiklerini belledi.