Ýaponiýa deňizinde ýük gämisi batdy
Ýaponiýa deňizinde ýük gämisiniň batmagy netijesinde gäminiň ekipažyndan 17 adam halas edildi, 1 adamyň gözleg işleri bolsa dowam edýär
Panama döwletine degişli "Houei Crystal" ýük gämisi, Ýaponiýanyň günbataryndaky Şimane welaýatynyň suw giňişliginde betbagtlyk signalyny berdi.
Signaly alan Ýaponiýanyň Kenarýaka howpsuzlyk gullugy sebite halas ediş topar gönükdirdi.
Ýük gämisiniň Okinoşima adasynyň 380 km demirgazyk-gündogarynda batandygy habar berildi.
Sebite gönükdirilen Günorta Koreýa degişli Kenarýaka howpsuzlyk gullugyna degişli gämiler, batan gämiden halas ediş gaýygy bilen halas bolan 17 adamy tapdylar.
Ýaponiýanyň Kenarýaka howpsuzlyk gullugy bolsa dereksiz ýiten 1 adamyň gözleg işlerini dowam etdirýär.
Batan gäminiň Russiýanyň Nahodka portyndan Ýaponiýanyň Kinuura portyna 8 müň tonna kömür alyp barýandygy aýan edildi.
Gäminiň ekipažynyň ählisiniň Wýetnamyň raýatly bolandyklary beýan edildi.
Degişli Habarlar
“Rus Hüjümleriniň Öňüni Almak Üçin Kurska Hüjüm Guramaga Başladyk”
Zelenskiý, Italiýada geçirilýän Ambrosetti forumynyň Ukraina-Russiýa söweşi oturlyşygyna gatnaşdy.
Gazada Guralan Soňky Hüjümlerde 37 Palestinaly Ýogaldy
Gazadaky 564 mekdepden 477-sine Ysraýylyň hüjümleri sebäpli zeper ýetirildi.
