Braziliýada gowagyň çökmegi netijesinde 9 adam ýogaldy

San-Paulu ştatynyň Altinpolis şäherinde 28 ýangyn söndürijiniň tälim alýan gowagyň çökmegi sebäpli ýeriň aşagynda galan 10 adamyň 9-sy ýogaldy.

Ýaralanan ýangyn söndüriji hassahanada bejergi astyna alyndy, ýeňil ýagdaýda ýaralanan 6 adam bolsa öýlerine ugradyldy.

Ýekşenbe güni 28 ýangyn söndüriji tälim maksatly gowaga baryp ýerleşenlerinden soň, gowak çökdi.

Sebitde şenbe güni günortandan soň güýçli ýagyşlar ýagmaga başlapdy.