ABŞ-nyň Kongresiniň agzasy: "Taliban ABŞ-lylary zamun saklaýar" diýdi
Makkol, Fox News telewideniýe kanalyna Owganystandan entek ewakuasiýa edilmedik amerikan raýatlarynyň ýagdaýlary barada beýanat berdi
ABŞ-nyň Wekiller mejlisiniň Daşary gatnaşyklar komitedindäki Respublikançylaryň lideri Makkol, Talibanyň 6 amerikan uçaryny Mazari-Şarif howa menzilinde saklaýandygyny we resmi Waşington Talibany ykrar edýänçä çenli şol adamlaryň ýurtdan çykmagyna rugsat bermejekdigini öňe sürdi.
Makkol, Fox News telewideniýe kanalyna Owganystandan entek ewakuasiýa edilmedik amerikan raýatlarynyň ýagdaýlary barada beýanat berdi.
Owganystanyň demirgazygyndaky Mazari-Şarif howa menzilinde düzüminde amerikan raýatlary we ABŞ bilen hyzmatdaşlyk eden owgan raýatlary bolan 6 amerikan uçarynyň bardygyny aýdan Makkol, şol uçarlaryň 2-3 gün bäri ABŞ-nyň Döwlet sekretarlygyndan rugsat almaklaryna garamazdan ýurtdan çykyp bilmeýändigini öňe sürdi.
Makkol: "Ýagdaý zamun alma öwrülýär. ABŞ Talibany dolulygyna ykrar edýänçä çenli amerikan raýatlarynyň ýurtdan çykmagyna rugsat bermezler" diýip habar berdi.
Makkol, ABŞ-nyň Döwlet sekretarlygynyň beren beýanatynyň tersine, Owganystanda 100-200 däl, eýsem has köp amerikan raýatynyň galandygyny mälim etdi.
Degişli Habarlar
Gazada Ýogalanlaryň Sany 33 Müň 970 Adama Ýetdi
Ysraýylyň harby goşuny 195 günden bäri Gaza Sektoryny bombalaýar.
Ysraýyl Bilen Hizbullahyň Arasyndaky Çaknyşyklar Dowam Edýär
Ysraýyl, Liwanyň günortasynda ýerleşýän Hiýam etrapçasyna hüjüm gurady.
