Terror guramasy DAIŞ-iň liderleriniň biri tussag edildi

Marokkonyň Içeri razwedka gullugyndan berilen beýanata görä, DAIŞ-iň ýokary derejeli ýolbaşçylarynyň biri bolan Abu al-Bera adyny ulanýan Marokkonyň raýaty, Italiýanyň terrora garşy göreş gullugyna berilen razwedka maglumatyň esasynda Italiýada geçirilen operasiýa bilen tussag edildi. 

Beýanatda Abu al-Beranyň ençeme ýyllap Siriýada we Yrakda guramanyň işjeň bolan ýerlerinde ýolbaşçy wezipesinde iş alyp barandygy habar berildi. 

Beýanatda mundan başgada Marokkonyň razwedka gullugynyň ozal DAIŞ-iň düzüminde bolan adamlary soraga çekmegi netijesinde alan maglumatlaryň esasynda ady agzalan adamy, Ýewropa bikanun ýollar bilen geçendigini anyklandygy we razwedka gözegçiligini dowam etdirmegi netijesinde Italiýadaky ýaşaýan ýeriniň anyklanandygy mälim edildi.