Ysraýyl Bilen Günorta Koreýa Sanjym Çalşygy Meselesinde Ylalaşyk Gazandy

Ysraýyl, möhledi gutarýan 700 müň doza BioNTech-Pfizer sanjymyny Günorta Koreýa bilen çalyşmak meselesinde ylalaşyk gazandy.

Ysraýylyň Premýer ministrliginden berlen ýazmaça beýannamada, Ysraýyl bilen Günorta Koreýanyň Kovid-19-a garşy öndürlen BioNTech-Pfizer sanjymyny çalyşjakdygy nygtaldy.

Gazanylan ylalaşyga laýyklykda Ysraýyl ammarlaryndaky möhledi gutarýan 700 müň doza BioNTech-Pfizer sanjymyny Günorta Koreýa berer.

Günorta Koreýa hem BioNTech-Pfizerden sentýabr- oktýabr aýynda aljak 700 müň doza sanjymyny Ysraýyla berer.

Ysraýyl 18-nji iýunda möhleti gutarýan sanjymlaryny Palestina bilen çalyşmak meselesinde ylalaşyk gazanypdy.

Ylalaşyga laýyklykda Ysraýyl ammarlaryndaky möhledi gutarýan 1 million doza BioNTech-Pfizer sanjymyny Palestina bermelidi.

Palestina hem BioNTech-Pfizerden sentýabr-oktýabr aýynda aljak sanjymyny Ysraýyla bermelidi.

Palestinanyň hökümeti sanjymlaryň möhlediniň gysga wagtda gutarýandygy sebäpli bu ylalaşykdan ýüz öwüripdi.