Türk Ýaragly Uçarmansyz Howa Ulaglary Germaniýada Ünsleri Özüne Çekmäge Dowam Edýär
“41 ýaşyndaky türk telekeçisi ýurdunyň ýüze çykmagy ähtimal söweşlerde has güýçli pozisiýa eýelemegini üpjün etdi”
Türk ýaragly uçarmansyz howa ulaglary hakyndaky habarlar Germaniýanyň köpçülikleýin habar beriş serişdelerinde uly beýan tapýar.
Bu gezek “Handelsblatt” gazeti, Türk ýaragly we ýaragsyz uçarmansyz howa ulaglary hakyndaky habarlara giňişleýin ýer berdi.
Gazet mesele hakyndaky habarynda Türk ýaragly uçarmansyz howa ulaglarynyň Siriýada, Liwiýada we Garabagda uly üstünlik gazanandygyny nygtaýar.
Habarda “Ukraina we Polşa ýaragly uçarmansyz howa ulaglaryny satyna aldy, birnäçe ýurt hem satyn almak isleýär” diýildi.
Baýkar firmasynyň tehniki müdüri Selçuk Baýraktar hakynda öwgüli sözler aýdylýan habarda “41 ýaşyndaky türk telekeçisi ýurdunyň ýüze çykmagy ähtimal söweşlerde has güýçli pozisiýa eýelemegini üpjün etdi” diýildi.
Türk ýaragly we ýaragsyz uçarmansyz howa ulaglary hakyndaky habarlara we wideolara Milli Goranmak ministrliginiň saýtynda we Türkiýäniň radio-telewideniýe guramasy TRT-nyň kanallarynda yzygiderli orun berlendigi nygtaldy.
