Afrin etrabynda terror guramasy ÝPG/PKK tarapyndan hüjüm guraldy
Wakada asuda ilatdan 13 adam ýogaldy
1656829
Ekstremist terror guramasy ÝPG/PKK-a agza terrorçylaryň Siriýanyň Afrin sebitinde guran hüjüminde, hususy hassahanada bejergi alýan asuda ilatdan 13 adam ýogaldy.
Türkiýäniň Hataý welaýatynyň gubernatorlygyndan berilen ýazmaça beýanatda, Asada tabynlykdaky güýçler tarapyndan gözegçilik edilýän Tel-Ryfat sebitinde ekstremist terror guramasy ÝPG/PKK-a agza terrorçylar tarapyndan Grad raketa ulgamlary we toplar bilen atylan raketalaryň, Afrin etrabyndaky Hususy Şypa hassahanasynyň Tiz kömek bölümine degendigi mälim edildi.
Beýanatda: "Hassahanada bejergi alýan asuda ilatdan 13 adam ýogaldy, 27 adam bolsa ýaralandy" diýip habar berildi.