Lawrow ÝB bilen syýasy gatnaşyklaryň ýola goýulmagynyň wagtynyň gelendigini belledi

Russiýanyň Daşary işler ministri Sergeý Lawrow, paýtagt Moskwa şäherinde Russiýa-ÝB gatnaşyklary bilen bagly geçirilen maslahatda eden çykyşynda: "Ýagdaý örän kyn. Ýewropa materigi ozal görülip eşidilmedik ynam krizisini başyndan geçirýär. Gündogary bölmek bilen bagly çyzgylar çekilýär" diýip habar berdi. 

Günbatar ýurtlarynyň halkara kada-kanuny berjaý etmeýändigini aýdan Lawrow, Russiýanyň we hyzmatdaşlarynyň içerki işlerine goşulýandygyny mälim etdi. 

ÝB-niň özüni Russiýadan aýyrýandygyny aýdan Lawrow, ÝB bilen dogruçyl we deňhukukly hyzmatdaşlyk etmäge taýardyklaryny aýan etdi. 

Lawrow: "Bu bolsa täze dostlukly bolmadyk ädimlere, güýje esaslanýan aragatnaşygy ýola goýmak tagallalaryna we içerki işlerimizi goşulmaga reaksiýa bermejekdigimiz manysyna gelmeýär" diýip nygtady.  

Russiýa bilen ÝB-niň arasynda komissiýalar derejesinde käbir meseleler boýunça tehniki gatnaşyklaryň dowam edýändigine ünsleri çeken Lawrow: "Syýasy gatnaşyklaryň ýola goýulmagy üçin wagtyň gelendigini pikir edýäris" diýip belledi.