Kolumbiýada hökümede garşy geçirilýän protestler dowam edýär

Ýurdyň paýtagty Bogota şäheri başda bolmak bilen Kali, Medellin, Bukaramanga we Walle del Kauka şäherlerinde protestler geçirildi

1644572
Kolumbiýada hökümede garşy geçirilýän protestler dowam edýär

Kolumbiýada 28-nji aprelden bäri ýurdyň hökümedine garşy geçirilýän köpçülikleýin protestler geçirýän müňlerçe adam, ýurdyň biri-birinden tapawutly şäherlerinde ýene-de bir gezek meýdanlara ýygnandylar, polisiýa işgärleriniň güýç ulanmagy netijesinde 1 adam ýogaldy, 15 adam ýaralandy. 

Ýurdyň paýtagty Bogota şäheri başda bolmak bilen Kali, Medellin, Bukaramanga we Walle del Kauka şäherlerinde protestler geçirildi. 

Bir ýere jemlenen kärdeşler arkalaşyklarynyň wekilleriniň, talyplaryň we tapawutly gatlaklardan adamlaryň gatnaşmagynda geçen protestler umuman alynanda parahatçylykly häsýetde geçdi. Kali we Medellin şäherlerinde käbir toparlaryň ýollary ýapmaklary bilen polisiýa işgärleri bilen protestçileriň arasynda dartgynly pursatlar başdan geçirildi. 

Protestleriň başlan gününden bäri wakalaryň başdan geçirilýän Kali şäherinde esasy ýoly ýapan demonstrantlar bilen polisiýa işgärleriniň arasynda çaknyşyklar boldy. 

Polisiýa işgärleri daş we molotow kokteýlini zyňýan toparlara garşy gözüňi ýaşardýan gaz bilen garşylyk görkezdi, hadysalarda 1 adam ýogaldy, 6 adam bolsa ýaralandy. 

Medellin şäherinde bolsa protestler gündiz wagtlary asuda geçse hem agşam ýüzleri ýapyk bolan käbir toparlaryň bir söwda merkezini talamaga synanyşmagyna garşy polisiýa işgärleri gaz bombasyny we dürre ulandylar. 

Başdan geçirilen wakalarda 3-si polisiýa işgäri 9 adam ýaralandy, köp sanda adam göz tussaglygyna alyndy. 

Milli derejedäki iş taşlaýyşlar bilen başlan salgyt reformalaryna garşy protestlerde häzirki wagta çenli 42 demonstrant ýogaldy, polisiýa işgärleri 2 müň 905 adam adama garşy aşa güýç ulandy, 21 adam jynsy zorluga sezewar galdy, 1264 adam göz tussaglygyna alyndy, 1049 polisiýa işgäri we asuda ilatdan 1040 adam ýaralandy.  



Degişli Habarlar