ÝB Tarapyndan Eýrana Goýlan Sanksiýalaryň Möhledi Uzadyldy
Eýrana goýlan sanksiýalaryň möhledi 2022-nji ýylyň 13-nji apreline çenli uzadyldy
1619953
ÝB, Eýrana adam hukuklaryny basgylandygy sebäpli 10 ýyldan bäri goýulýan sanksiýalaryň möhledini uzatdy.
ÝB Geňeşi tarapyndan berlen beýannamada, Eýrana goýlan sanksiýalaryň möhlediniň 2022-nji ýylyň 13-nji apreline çenli uzadylmagy hakynda kararyň kabul edilendigi nygtaldy.
Sanksiýalar syýahat gadagançylyklary, emlaklaryň saklanmagy we içerki basyş hökmünde ulanylyp bilinjek enjamlaryň Eýrana satylmagynyň gadagan edilmegini öz içine alýardy.
2011-nji ýylda goýlan sanksiýalaryň möhledi her ýyl uzadylýardy.
ÝB Geňeşi tarapyndan berlen beýannamada sanksiýa sanawyna ýene-de 8 adam bilen 3 guramanyň degişli edilendigi ýatladyldy.
Şeýlelikde sanksiýa goýlan adamlaryň sany 89-a, guramalaryň sany hem 4-e ýetdi.