Eýranda epidemiýa sebäpli ýogalanlaryň sany 59 müň 736 adama ýetdi

Dünýä derejesinde koronawirus epidemiýasy sebäpli ýogalanlaryň sany 2 million 498 müň 880 adamdan, wirusa ýoluganlaryň sany 112 million 764 müň adamdan, saglyk ýagdaýy gowulaşanlaryň sany bolsa 88 million 324 müň adamdan geçdi. 

Hindistanda koronawirus epidemiýasy sebäpli ýogalanlaryň sany soňky 24 sagatda 100 adam artyp, 156 müň 598 adama, wirusa ýoluganlaryň sany bolsa 13 müň 463 adamlyk artyş bilen 11 million 30 müň 176 adama ýetdi. 

Eýranda epidemiýa sebäpli ýogalanlaryň sany soňky 1 günde 73 adam artyp, 59 müň 736 adama, wirusa ýoluganlaryň sany bolsa 8 müň 270 adamlyk artyş bilen 1 million 598 müň 875 adama ýetdi. 

Russiýada Kowid-19 epidemiýasy sebäpli ýogalanlaryň sany 84 müň 430 adama, wirus ýokanlaryň sany bolsa 4 million 200 müň 902 adama ýetdi. 

Ýaponiýada Kowid-19 epidemiýasyna garşy ýurdyň 10 welaýatynda yglan edilen adatdan daşary ýagdaýyň Osaka, Hýogo, Kýoto we Aiçi welaýatlarynda ozal yglan edilen möhletden ir aýrylmagy talap edildi. 

Ysraýylda koronawirusyň barlygyny kabul etmeýän we wirusa garşy halkyň sanjym edilmegine garşy bolan bir lukmanyň Bneý Brak şäherinde klinika açmak üçin berilen saglyk ygtyýarnamasy elinden alyndy. Ilatynyň aglabasy Ultraortodoks dinine agza jöhitlerden ybarat bolan 210 müň ilatly Bneý Brak şäherinde her 5 adamyň 1-iniň Kowid-19-a ýolukmagy ünsleri özüne çekýär. 

Palestinanyň Ykdysadyýet ministri Halid al-Useýli we hökümediň metbugat geňeşçisi Ibrahim al-Mulhimiň Kowid-19 testiniň poližitel çykandygy habar berildi. Palestinada koronawirus epidemiýasy sebäpli ýogalanlaryň sany 3 müň adama, wirusa ýoluganlaryň sany bolsa 199 müň 769 adama ýetdi. 

Koronawirus sebäpli ýogalanlaryň sany Liwiýada  2 müň 151 adama, BAE-de bolsa 1 müň 164 adama ýeten bolsa, wirusa ýoluganlaryň sany Liwiýada 131 müň 262 adama, BAE-de bolsa378 müň 637 adama ýetdi. 

Senegalyň Prezidenti Maki Sall, ýurdunyň Kowid-19 Sanjymlary global ygtyýar programmasy Kowaksa girendigini, emma etabyň örän haýal gidýändigini belläp: "Ösen ýurtlar sanjym işlerine başlady, Prezident hökmünde Kowaksdan sanjymlar gelýänçä çenli garaşyp bilmezdim" diýip beýan etdi. Sall, şol sebäpli Hytaý tarapyndan öndürilen Sinopharm sanjymy saýlandyklaryny habar berdi. 

Koronawirus epidemiýasy sebäpli 584 adamyň ýogalan, 81 müň 245 adamyň hasaba alynan Gana döwleti, Bütindünýä Saglygy goraýyş guramasynyň pes we orta girdejili ýurtlara sanjymlary deň derejede paýlanmagyny maksat edinilän Kowaks programmasy tarapyndan berilen Kowid-19 sanjymlaryny alan ilkinji Afrika ýurdy boldy. 

Malaýziýa Pfizer-BioNTech kärhanalary tarapyndan öndürilen Kowid-19 sanjymlarynyň ilkinji tapgyrynyň ýurda baryp ýetmeginden soň, ýurdyň Premýer ministri Muhýiddin Ýasin, sanjymy göni efirde etdirip, ýurtda ilkinji sanjym etdiren adam boldy. Malaýziýada koronawirus sebäpli ýogalanlaryň sany 1 müň 76 adama, wirusa ýoluganlaryň sany bolsa 288 müň 229 adama ýetdi.