Parahatçylyk Çeşmesi sebitinde guralan terrorçylykly hüjümde 3 adam ýogaldy
Wakanyň bolan ýerinde derňew işini geçiren howpsuzlyk güýçleri, bombaly hüjümiň terror guramasy ÝPG/PKK tarapyndan guralandygyny pikir edýärler
Siriýanyň demirgazygynda oppozisionerleriň gözegçiligi astyndaky Tel-Abýad etrabynda motosikle ýerleşdirilen bombanyň partlamagy netijesinde asuda ilatdan 3 adam ýogaldy, 2 adam ýaralandy.
Saglyk ýagdaýy agyr bolan adam Türkiýä ugradyldy.
Wakanyň bolan ýerinde derňew işini geçiren howpsuzlyk güýçleri, bombaly hüjümiň terror guramasy ÝPG/PKK tarapyndan guralandygyny çak edýärler.
Siriýanyň demirgazygyndaky Tel-Abýad etrap merkezi, 2019-njy ýylyň 13-nji oktýabrynda Parahatçylyk çeşmesi operasiýasy bilen terrorçylardan saplanypdy.
Terror guramasy ÝPG/PKK, basyp alyşlygyny dowam etdirýän Aýn Isa we Tel Temyr sebitlerinden Parahatçylyk çeşmesi sebiti bilen Rasulaýn we Tel-Abýad sebitlerini ýygy-ýygydan nyşana alyp terrorçylykly hüjümler guraýar.
