ABŞ Hytaýyň nebit kärhanasyny gara sanawa aldy
ABŞ, milli howpsuzlygyna wehim salýanlygy sebäpli, Hytaýyň Milli açyk deňiz nebit kärhanasyny (KNOOK) gara sanawa aldy
ABŞ-nyň Söwda ministrligi, Hytaýyň Skyrizon kärhanasyny bolsa harby pudak bilen aragatnaşykda bolan kärhanalaryň sanawyna alandygyny habar berdi.
Ministrlik tarapyndan berilen beýanatda, kärhanalaryň ikisiniň hem ABŞ-nyň milli howpsuzlygyna wehim salýandygy mälim edildi.
KNOOK-yň Hytaýyň Günorta Hytaý deňizindäki goňşularyny gorkuzmagyna kömek berýändigi bellenen beýanatda, Skyrizon kärhanasynyň bolsa harby uçarlaryň dwigatelleri ýaly enjamlary öndürip bilmek mümkinçiligine eýedigi aýan edildi.
ABŞ-nyň Söwda ministri Wilbur Ross mesele bilen bagly beren beýanatynda, Hytaýyň Günorta Hytaý deňizindäki perwaýsyz we agressiw aksiýalary bilen ýaragalanmak bilen bagly tagallalary üçin tehnologiýa edinmek ugrundaky pozisiýasynyň ABŞ-nyň we halkara jemgyýetiň howpsuzlygyna wehim salýandygyny habar berdi.
