“Uçar Heläkçiliginiň Sebäbi Tehniki Näsazlyk”

Ukrainanyň Premýer-ministriniň orunbasary Oleg Uruskiý 25-nji sentýabrda Harkow şäherinde ýere gaçan uçaryň heläkçilige uçramagynyň sebäbiniň tehniki näsazlyk we uçuş guramaçylygyndaky düzgün bozmalardan ybaratdygyny beýan etdi.

Uruskiý “Fajebookdan” beren habarnamasynda awiasiýa, uçuş we tehniki toparlarynyň wekillerinin heläklik hakynda özüne maglumat berendigini mälim etdi.

Barlaglara görä heläkçilige çep hereketlendirijide we uçaryň basyş görkezijisinde ýüze çykan näsazlygyň sebäp bolandygyny beýan eden Uruskiý, aýratynam uçuşyň amala aşyrylmagynda we guramaçylygynda düzgün bozmalaryň anyklanandygyny nygtady.

Uruskiý Döwlet gözegçilik toparynyň derňew işini dowam etdirýändigini beýan etdi.

Ukrainanyň Harkow şäherinde 25-nji sentýabrda AN-26 kysymly harby uçaryň ýere gaçmagy sebäpli 26 adam ýogalypdy, 1 adam agyr ýaralanypdy.