ABŞ-da Koronawirus Sebäpli Ýogalanlaryň Sany 203 Müň 32 Adamdan Geçdi

Dünýäde täze görnüş koronawirus epidemiýasy sebäpli ýogalanlaryň sany 955 müň, wirusa ýoluganlaryň sany 30 million 641 müň, wirusy ýeňenleriň sany 22 million 262 müň adamdan geçdi.

Epidemiýanyň merkezi ABŞ-da koronawirus sebäpli ýogalanlaryň sany 203 müň 32, wirusa ýoluganlaryň sany 6 million 917 müň adamdan geçdi.  ABŞ-nyň Kanada we Meksika serhetleri 21-nji oktýabra çenli ýapyldy.

Epidemiýanyň Ýewropadaky merkezi Britaniýada koronawirus sebäpli ýogalanlaryň sany soňky 24 sagatda 27 adam artyp 41 müň 732 adama, wirusa ýoluganlaryň sany 4 müň 322 adam artyp 385 müň 936 adama ýetdi. “Epidemiýada ikinji tolkunyň gelendigini görýäris” diýen Premýer ministr Boris Jonson, koronawirusa garşy göreşde ikinji gezek karantin yglan etmek islemeýäris. Has berk çäreler görülmeli bolar” diýdi.

Italiýada Kovid-19 sebäpli ýogalanlaryň sany soňky 24 sagatda 10 adam artyp 35 müň 668, hasaba alynan kesellileriň sany 1907 adam artyp 294 müň 932 adama ýetdi.

Fransiýada koronawirus sebäpli ýogalanlaryň sany soňky 1 günde 123 adam artyp 31 müň 249, wirusa ýoluganlaryň sany 13 müň 215 adam artyp 428 müň 696 adama ýetdi.

Ispaniýada epidemiýa sebäpli ýogalanlaryň sany soňky 1 hepdede 432 adam artyp 30 müň 495, hasaba alynan kesellileriň sany soňky 24 sagatda 14 müň 389 adam artyp 640 müň 40 adama ýetdi.

Portugaliýanyň Saglygy goraýyş ministrligi Kovid-19 sebäpli ýogalanlaryň sanynyň 6 adam artyp 780, wirusa ýoluganlaryň sanynyň 1894 adam artyp 67 müň 176 adama ýetendigini mälim etdi.