Kovid-19 howply bolmagynda galýar

Dünýä derejesinde täze görnüş koronawirus epidemiýasy sebäpli ýogalanlaryň sany 648 müň 866 adama, wirus ýokanlaryň sany 16 million 226 müň 492 adama, saglyk ýagdaýy gowulaşanlaryň sany bolsa 10 million adama golaýlady. 

Koronawirus epidemiýasy sebäpli 149 müň 398 adamyň ýogalan, 4 million 315 müň 709 adamyň wirusa ýolugan ABŞ-da, ýurdyň Florida ştaty Kovid-19-a ýolugan adamlaryň sany boýunça Nýu-Ýorkdan geçip, ülkede Kaliforniýadan soň 2-nji oruna geçdi. Floridanyň Saglygy goraýyş edaralarynyň işgärleri ştatda wirus ýokan adamlaryň sanynyň 414 müň adamdan geçendigini habar berdiler. Nýu-Ýorkyň gubernatory Andrew Kuomo bolsa ştatdaky wirus ýokan adamlaryň sanynyň 411 müň 200 adamdan geçendigini mälim etdi. 

Braziliýada Kovid-19 pandemiýasy sebäpli ýogalanlaryň sany 86 müň 449 adama, wirusa ýoluganlaryň sany bolsa 2 million 396 müň 434 adama ýetdi. 

43 müň 374 adamyň ýogalan Meksikada wirus ýokandygy bellige alynanlaryň sany 385 müň 36 adama ýetdi. 

Italiýada soňky 24 sagatda koronawirus epidemiýasy sebäpli ýene-de 5 adamyň ýogalmagy bilen, ýurtdaky adam ýitgisi 35 müň 102-ä ýetdi. Italiýada soňky 1 günde ýene-de 275 adamyň koronawirusa ýolugandygy anyklandy. 

Ispaniýada soňky gezek anna güni aýan edilen görkezijilere görä Kovid-19 sebäpli ýogalanlaryň sany 28 müň 432 adama, wirus ýokanlaryň sany bolsa 272 müň 421 adama ýetdi. 

Koronawirus epidemiýasy sebäpli beýleki käbir ýurtlardaky adam ýitgileri şular ýaly: Britaniýada 45 müň 738 adam, Fransiýada 30 müň 192 adam, Peruda 18 müň 30 adam, Belgiýada 9 müň 821 adam, Germaniýada 9 müň 202 adam, Çilide 9 müň 20 adam, Kanadada 8 müň 885 adam, Kolumbiýada 8 müň 269 adam, Gollandiýada 6 müň 139 adam we Şwesiýada 5 müň 697 adam.