Döwlet geňeşiniň Aýasofýanyň metjide öwrülmegi hakyndaky karary dünýäde giň seslenme döretdi
Habar beriş serişdeleri kararyň, muzeýiň metjide öwrülmeginiň öňündäki bökdençligi ortadan aýyrandygyna üns çekýärler
Döwlet geňeşiniň 10-njy Departamentiniň Ministrler kabinetiniň Aýasofýanyň metjitden muzeýe öwrülmegi hakynda 1934-nji ýylyň 24-nji noýabrynda kabul edilen kararyny bes etmegi dünýä metbugatynda giň seslenme döretdi.
Merkezi Britaniýada ýerleşýäň “BBC” habary “Türk kazyýeti 6-njy asyrda gurulan Stambulyň Aýasofýa muzeýiniň metjide öwrülmegine ýol açdy” söz başysyny saýlap aldy.
“Franc 24” Aýasofýany “ajaýyplaryň ajaýyby” hökmünde häsýetlendirip, muzeýiň metjide öwrülmeginiň öňündäki bökdençligiň aýrylandygyny beýan etdi.
Merkezi Katarda ýerleşýän “Al Jazira Nýus” kanaly bolsa Aýasofýanyň ýaňadandan metjide öwrülmeginiň ýoly açyldy diýip, habar berdi.
ABŞ-nyň “NBC Nýus” ýaýalymy bolsa “Stambulyň dünýä meşhur ikoniki Aýasofýasy metjide öwrüler” frazasyny ulandy.
“Nýu-Ýork Taýms” bolsa binagärligiň göwheri Aýasofýanyň metjide öwrülmegi hakyndaky karary hakynda Prezident R.T.Erdoganyň ozal beren beýannamalaryny halk köpçüliginiň dykgatyna ýetirdi.
Merkezi Gresiýada ýerleşýäň “Skai” bolsa Türkiýäniň Ýokary kazyýetşiniň halkara reaksiýalara garamazdan Aýasofýanyň metjide öwrülmeginiň ýoluny açdy” diýip habar berdi.
Beýleki bir grek habar serişdesi “Naftemporiki” bolsa karardan soň Prezident Erdoganyň halka ýüzlenip çykyş etjekdigini habar berdi.
Degişli Habarlar
Ysraýyl 201 Günden Bäri Gazany Bombalaýar
Gaza Sektorynda ýogalanlaryň sany soňky 24 sagatda 79 adam artyp 34 müň 262 adama ýetdi.
Ysraýyldan Liwana Howa Hüjümi Guraldy
Liwanyň günortasynda 4 ýere azyndan 13 gezek howa hüjümi guraldy