Kovid-19 dünýäde howply bolmagynda galýar

Dünýä derejesinde koronawirus epidemiýasy sebäpli ýogalanlaryň sany 398 müň adamdam geçdi. Wirusa ýoluganlaryň sany 6 million 852 müň adamdan, saglyk ýagdaýy gowulaşanlaryň sany bolsa 3 million 352 müň adamdan geçdi. 

Ýogalan adamlaryň sany 4 adam artyp, jemi 82 adama ýeten Azerbaýjanda, ýene-de 338 adamda koronawirusa gabat gelinmeginden soň ýurtda wirusa ýoluganlaryň sany 6 müň 860 adama ýetdi. Wirusa ýolugan adamlaryň sanynyň artmagy bilen ýurdyň paýtagty Baku şäheri bilen birlikde Sumgaýyt, Genje we Lenkeren şäherlerinde dükanlar we dermanhanalar bilen birlikde hiç bir dükan açylmaz, adamlaryň öýlerinden daşary çykmagy gadagan edildi. 

323 adamyň ýogalan Moldawiýada, soňky 1 günde 21-i saglygy goraýyş edaralarynyň işgärleri bolan jemi 229 adamda wirusa ýolukmagy bilen, ýurtda wirusa ýolugan adamlaryň sany jemi 9 müň 247 adama ýetdi. 

Saud Arabystanynda koronawirus epidemiýasy sebäpli soňky 24 sagatda ýene-de 31 adamyň ýogalmagy bilen, ýurtdaky adam ýitgisi 642 adama ýetdi. Ýene-de 2 müň 591 adamda wirusa gabat gelinmegi bilen ýurtda wirusa ýoluganlaryň sany 95 müň 748 adama ýetdi. Içeri işler ministrligi Jidde şäherinde koronawirusa garşy görülýän çäreleriň çäginde şu günden başlap 15 günlügine ýaýbaňlandyrylandygyny habar berdi. Ýerli wagt bilen sagat 15:00-dan 06:00-a çenli köçä çykmak gadagançylygy giriziljek şäherde, metjitlerde namazlaryň okalmagy, restoranlardan we kafelerden naharlaryň sargalmagy togtadyldy.

111 adamyň ýogalan Ýemende wirusa ýoluganlaryň sany 469 adama ýetdi.

Koronawirus epidemiýasy sebäpli BAE-de 274, Bahreýnde 22 adam ýogaldy

Afrika materiginde koronawirusa sebäpli ýogalanlaryň sany 3 müň 942 adama, wirusa ýoluganlaryň sany 179 müň 309 adama, saglyk ýagdaýy gowulaşanlaryň sany bolsa 80 müň 322 adama ýetdi. 

Kovid-19 sebäpli ýogalanlaryň sany Müsürde 1166 adama, Günorta Afrikada 908 adama, Alžirde 690 adama, Sudandan 347 adama, Nigeriýada 333 adama, Marokkoda 208 adama, Kamerunda 205 adama we Ganada 42 adama ýetdi.