Eýran tarapyndan ugradylan nebit tankeri Wenesuela bardy
Eýrana degişli 5 nebit tankeriniň ilkinjisi Wenesuelanyň suw giňişligine baryp ýetdi
Wenesuelanyň Daşary işler ministri Horhe Arreaza sosial media hasaby Twitterden beren beýanatynda: "Eýran we Wenesuela kyn wagtlarda hemişe biri-birlerine goldaw berdiler" diýip habar berdi.
Arreaza Wenesuelanyň halky üçin gelen ilkinji nebit tankeriniň ýurdyň suw giňişligine girendigini mälim etdi.
Nebit tankeri "Fortune", ABŞ tarapyndan ýolda saklanmandygy aýan edildi.
Düýn Eýranyň Prezidenti Hasan Ruhani, Wenesuela ýangyç daşaýan ýurduna degişli nebit tankerleriniň ABŞ tarapyndan ýolda saklanan halatynda Waşington üçin meselelere sebäp boljakdygy barada duýduryş beripdi.
"Forest", "Faxon", "Petunia" we "Clavel" atly 4 nebit tankeri Atlantik okeanynda Wenesuela tarap barýandygy mälim edildi.
Eýrana degişli tankerleriň jemi 1 million 53 müň barrel ýangyç daşaýandygy beýan edildi.
Dünýäniň iň uly nebit ätiýajyna eýe bolan Wenesuela, sanksiýalar we ykdysady krizis sebäpli nebiti gaýtadan işleýän zawodlaryny doly ýagdaýda işletdirip bilenok. ABŞ tarapyndan embargo sezewar bolan Eýran bolsa öndüren nebitlerini satmakda kynçylyk çekýär.
