Dünýäde Koronawirus Sebäpli Ýogalanlaryň Sany 219,300 Adamdan Geçdi

Epidemiýanyň merkezi ABŞ-da adam pidalarynyň sany 59,200 adamdan geçen bolsa, ýurtda koronawirus sebäpli ölenleriň sany Wiýetnam urşundaky ýitgiden hem ýokary. Hasaba alynanlaryň sany bir milliondan gowrak. Prezident Donald Tramp günsaýyn hasaba alynýanlaryň sanynyň artjakdygyny, sebäbi geçiriljek testleriň sanyny artdyrjakdyklaryny beýan etdi.

Italiýada koronawirusdan ölenleriň sany soňky 24 sagatda 382 adam artyp, 27,359 adama ýetdi. Hasaba alynanlaryň sany 608 adam azalyp, 105,205 adama düşen bolsa, sagalanlaryň sany 2,317 adam artyp, 68,941 adam boldy.

Ispaniýada soňky 24 sagatda koronawirusdan ölenleriň sany 325 adam artyp, 24,147 adama, hasaba alynanlaryň sany 212,917 adama ýetdi.

Fransiýada koronawirus sebäpli aradan çykanlaryň sany soňky 24 sagatda 367 adam artyp, 23,660 adama, wirusa ýoluganlaryň sany 1,520 adam artyp, 197,589 adama ýetdi. Ýurtlar epidemiýa garşy görülen çäreler tapgyrlaýyn häsýetde bes ediler. 11-nji maýda çagalar baglary, başlangyç we orta mekdepler tapgyrlaýyn hem-de islege bagly görnüşde açylar. Premýer ministriDuard Filip mümkin gadar adamlaryň öýden çykmaly däldigini nygtap, kafelerden we restoranlardan daşgary iş ýerleriniň hem-de dükanlaryň ýaňadandan açyljakdygyny aýtdy.

Britaniýada koronawirus sebäpli ýogalanlaryň sany soňky 24 sagatda 586 adam artdyp, 21,678 adama, hasaba alynanlaryň sany 3,996 adam artyp, 161,145 adama ýetdi. Hökümetiň beýan edýän görkezijileri diňe hassahanalardaky ýitgilerden ybarat.

Ýogalanlaryň sany 7,501 adama ýeten Belgiýada hasaba alynanlaryň sany 47,859 adama ýetdi. Adam pidalarynyň 46 göterimi hassahanalarda, 53 göterimi bolsa garrylar öýlerinde bellige alyndy.

Braziliýada epidemiýa sebäpli soňky 24 sagatda 474 adam ýogaldy. şeýlelikde koronawirus sebäpli ýogalanlaryň sany 5,017 adama ýetdi.

Ekwadorda koronawirus sebäpli soňky 24 sagatda ýene-de 208 adamyň ýogalmagy bilen aradan çykanlaryň sany 871 adama, hasaba alynanlaryň sany bolsa 1,018 adam artyp, 24,258 adama ýetdi.