Koronawirus ýokaşanlaryň sany 800 müň adamdan geçdi

Italiýada soňky 24 sagatda koronawirus sebäpli ýogalanlaryň sany 812 adam artyp 11 müň adamdan geçdi

1388663
Koronawirus  ýokaşanlaryň sany 800 müň adamdan geçdi

 

Koronawirus sebäpli ýogalanlaryň sany 38 müň 748, wirus ýokaşanlaryň sany bolsa 800 müň adamdan geçdi.

Italiýada soňky 24 sagatda koronawirus sebäpli ýogalanlaryň sany 812 adam artyp 11 müň adamdan geçdi. Wirus ýokaşanlaryň sany bolsa 101 müň 739 adama ýetdi.

Ispaniýa soňky 24 sagatda 849 adamyň koronawirus sebäpli ýogalandygyny mälim etdi. Ispaniýada Kowid-19 sebäpli ýogalanlaryň sany 8 müň 189 adama ýetdi. Saglygy goraýyş ministrligi wirus ýokaşanlaryň sanynyň 9 müň 222 adam artyp 94 müň 417 adama ýetendigini mälim etdi.

Fransiýada koronawirus sebäpli soňky 24 sagatda 418 adamyň ýogalmagy bilen ýogalanlaryň sany 3024, wirus ýokaşanlaryň sany bolsa 44 müň 450 adama ýetdi. Ýolbaşçylar oktýabr aýynda geçirilmegi meýilleşdirlen Pariž Awtoulag sergisiniň epidemiýa sebäli goý bolsun edilendigini mälim etdi.

Koronawirus sebäpli Germaniýada 560 ýogaldy. Ýogalanlaryň arasynda 15 türküň bardygy habar berildi. Hasaba alynanlaryň sany bolsa 64 müň adamdan geçdi.

Britaniýada Kowid-19 sebäpli ýogalanlaryň sany 1 günde 393 adam artyp 1808 adama ýetdi. Ýurtda koronawirusa garşy görlen berk çäreleriň dowam etjekdigi nygtalýar. Koronawirus ýokaşanlaryň we ýogalanlaryň sanynyň geljek 2-3 hepde has-da artmagyna garaşylýar.

ABŞ-da koronawirus sebäpli ýogalanlaryň sany  soňky 24 sagatda 657 adam artyp 3170, hasaba alynanlaryň sany 143 müň 55 adama ýetdi. Beýleki tarapdan epidemiýanyň indiki merkeziniň Waşigton bolup biljekdigi barada duýduryş berildi. Waşingtonda, Merilentde we Wiržinýada wirus ýokaşanlaryň sanynyň 4 esse köpelendigine üns çekilýär. Nýu-Ýorkda wirus ýokaşanlaryň sany 66 müň 497 adama ýetdi. Nýu-Ýorkdaky tussaghanalarda soňky 1 hepde azyndan 230 tussagly bilen 130 hünärmene koronawirusyň ýokaşandygy anyklanyldy.

Awstraliýada wirus sebäpli ýogalanlaryň sany 19, hasaba alynanlaryň sany 4514 adama ýetdi.

Gollandiýda epidemiýa sebäpli ýogalanlaryň sany soňky 24 sagatda 175 adam artyp 1039 adama, hasaba alynanlaryň sany hem 12 müň 595 adama ýetdi.

Şweýsariýada soňky 24 sagatda 192 adam koronawirus sebäpli ýogaldy, şeýlelikde koronawirus sebäpli ýogalanlaryň sany 705, hasaba alynanlaryň sany 12 müň 775 adama ýetdi. Belgiýada 12 ýaşyndaky gyzjagaz hem koronawirus sebäpli ýogaldy.

Braziliýada soňky 24 sagatda 23 adam koronawirus sebäpli ýogaldy. Ýurtda Kowid-19 sebäpli ýogalanlaryň sany 159, hasaba alynanlaryň sany 1579 adama ýetdi.

Gresiýada koronawirus sebäpli ýogalanlaryň sany 46, hasaba alynanlaryň sany 1212 adama ýetdi.


Etiketkalar: #Italiýa , #koronawirus

Degişli Habarlar