Owganystanda guralan hüjümde howpsyzlyk güýçlerinden 20 adam ýogaldy

Taliban tarapyndan Owganystanyň Tahar we Zabul welaýatlarynda guralan hüjümde howpsyzlyk güýçlerinden 20 adam ýogaldy.

Taharyň İçeri işler müdürliginiň metbugat geňeşçisi Esir metbugata beren beýanatynda, başbozarlaryň Taharyň Hojai Gar etrabynda hüjüm gurandygyny aýtdy.

Hüjümde howpsyzlyk güýçlerinden 14 adamyň ýogalandygyny aýdan Esir, 5 adamyň hem ýaralanandygyny belledi.

Beýleki tarapdan Owganystanyň Goranmak ministrliginden berlen beýanatda, Zabul welaýatynda Taliban tarapyndan guralan hüjümde 6 howpsyzlyk işgäriniň ýogalandygy nygtaldy.

Taliban hüjümler hakynda hiç hili beýanat bermedi.