Omanyň Eýrandan gelen iki raýatynda koronawirusa gabat gelindi
Oman, Eýrandan gaýdyp gelen 2 raýatynda täze görnüş koronawirusyň bardygynyň anyklanandygyny habar berdi
Omanyň Saglygy goraýyş ministrligi, Eýrandan gaýdyp gelen 2 raýatynda, täze görnüş koronawirusyň (Kovid-19) bardygynyň anyklanandygyny habar berdi.
Omanyň Döwlet telewideniýesinde berilen ýurdyň Saglygy goraýyş ministrliginiň beýanatynda, wirusyň bardygy anyklanan 2 adamyň karantine alynandygy we ýagdaýlarynyň kadalydygy mälim edildi.
Beýanatda, munyň Omandaky ilkinji koronawirus wakalarydygy aýan edildi.
Habarda, mundan başgada Raýat awiasia dolanşygynyň Eýran bilen Omanyň arasyndaky ählu uçar gatnawlarynyň wagtlaýyn bes edilendigi habar berildi.
Eýranda täze görnüş koronawirusyň (Kovid-19) epidemiýasy bilen kesellän adamlaryň sanynyň 12-ä, ýokan adamlaryň sanynyň bolsa 47-ä ýetendigi aýan edilipdi.
Pars Aýlagy ýurtlaryndan Kuweýtde we BAE-de hem koronawirusa gabat gelinendigi mälim edilipdi.
Degişli Habarlar
Ukraina Russiýa Garşy 121 Uçarmansyz Howa Ulagy Bilen Hüjüm Gurady
Hüjüm synanşyklarynda adam pidasynyň çekilmändigi bellenildi.
Hakan Fidan Eýranly Kärdeşi Bilen Telefon Arkaly Söhbetdeşlik Geçirdi
Hakan Fidan bilen Abbas Arakçi sebitara meseleler hakynda pikir alyşdy.
