Russiýa degişli harby uçarlaryň Idlibde guran howa hüjümlerinde asuda ilatdan 5 adam ýogaldy
Idlibde hüjümler sebäpli soňky 2 günde azyndan 25 müň adam Türkiýe serhedine göçdi
Siriýada Russiýa degişli harby uçarlaryň Idlibde çaknyşyksyz zolakda asuda ilata garşy guran howa hüjümlerinde asuda ilatdan 5 adam ýogaldy.
Russiýa degişli harby uçarlar düýn gije Maarratünnuman etrabynyň Tel Mennis, Tuh we Deýr Şarki obalaryna hüjüm gurady.
Hüjümlerde Deýr Şarkide 2 we Tel Mennisde hem 3 bolmak bilen jemi 5 adam ýogaldy.
Asada tabynlykdaky güýçleriň we Russiýanyň Idlibde çaknyşyksyz zolakda asuda ilata garşy düýn guran hüjümlerinde hem 8 adam ýogalypdy.
Idlibde hüjümler sebäpli soňky 2 günde azyndan 25 müň adam Türkiýe serhedine göçdi.
Türkiýe bilen Russiýanyň arasynda 2018-nji ýylyň 17-nji sentýabrynda gazanylan ylalaşyga garamazdan Idlibde çaknyşyksyz zolada Asada tabynlykdaky güýçleriň we Russiýanyň guran hüjümlerinde asuda ilatdan 1300 adam ýogaldy. Hüjümler sebäpli esasan Türkiýe serhedine göçenleriň sany bolsa 2019-njy ýylda 1 milliondan geçdi.
Degişli Habarlar
Gazada Ýogalanlaryň Sany 33 Müň 970 Adama Ýetdi
Ysraýylyň harby goşuny 195 günden bäri Gaza Sektoryny bombalaýar.
Ysraýyl Bilen Hizbullahyň Arasyndaky Çaknyşyklar Dowam Edýär
Ysraýyl, Liwanyň günortasynda ýerleşýän Hiýam etrapçasyna hüjüm gurady.