Täze Delide howanyň hapalyk çägi ýaňadandan “howply” derejä ýetdi

Hindi mediasyndaky habarlara görä Howanyň hili, howa çaklamalary we barlaglar ulgamynyň hünärmenleri paýtagtda we etraplarynda howanyň hil indeksiniň käbir ýerlerde 400-den ýokary geçendigini beýan etdi.

Soňky 10 günden bäri howanyň hiliniň ozalkylara görä gowudygyna beýan eden hünärmenler, hapalyk çäginiň birden ýokarlamagyny howanyň sowamagy, çyglylyk derejesiniň ýokarlamagy we şemalyň pes bolmagy bilen düşündirýärler.

Paýtagt Täze Deli bilen birlikde Jahangirpuri, Rohini we Nahru Nagar sebitlerinde-de howanyň hil indeksiniň 400-den ýokary geçip, howply derejä ýetendigi habar berildi.

Howanyň hiliniň howply çäge ýetmegi sebäpli noýabr aýynyň 1-5-i aralygynda paýtagtda mekdepler okuwa 5 gün arakesme beripdi, okuwçylara maska paýlanypdy.