ABŞ-da mekdepleriň birinde ýaragly hüjüm guraldy
ABŞ-nyň Kaliforniýa ştatyndaky mekdepleriň birinde guralan ýaragly hüjümde 2 okuwçy ýogaldy, aralarynda hüjümçi bilen birlikde jemi 4 adam bolsa ýaralandy
Ýaragly hüjüm Los-Anjeles şäheriniň 48 km demirgazyk-günbataryndaky 200 müň ilatly Santa-Klarita şäherindäki Saugus mekdebinde guraldy.
Içeri işler edarasynyň resmisi, hüjümiň şu gün irden guralandygyny we berilen jaňdan 2 minut soň wakanyň bolan ýerine gelendiklerini habar berip: “Emma mekdebe gelen mahalymyz 6 okuwçyny ýaraly ýagdaýda tapdyk” diýip aýan etdi.
Ýaşlary 14 bilen 16 aralygynda üýtgeýän ýaraly çagalaryň golaýdaky hassahanalara gönükdirilendigini aýdan resmi, 1-i 16 ýaşynda bolan gyzyň we beýlekisi 14 ýaşynda bolan oglanyň halas edilip bilinmändigini habar berdi.
Hassahanada 1-iniň ýagdaýy agyr jemi 3 çaganyň bejergisiniň dowam edýändigi beýan edildi.
Içeri işler edarasynyň resmisi, mekdebiň kamera bellikleriniň gözden geçirilen mahaly, hüjümçiniň sumkasyndaky ýaragyny çykaryp, 5 adama od açandygyny, ondan soň bolsa ýaragy kellesine çenäp, öz janyna kast etmek isländigini anyklandyklaryny mälim etdi.
Ady aýan edilmedik we şol mekdepde okaýandygy bellenen 16 ýaşyndaky erkek hüjümçiniň, beýleki ýaralanan okuwçylar bilen bilelikde hassahana gönükdirilendigi, saglyk ýagdaýynyň bolsa tankydydygy beýan edildi.
Hüjüm bilen baglanşykly derňew işi dowam edýär.
Degişli Habarlar
Malaýziýada 2 harby dikuçar çakyşdy
Malaýziýada 2 harby dikuçaryň çakyşmagy netijesinde 10 adam ýogaldy