Fransiýada Sary ýeňsizlileriň protest ýörüşleri dowam edýär

Demonstrasiýalaryň 49-njy hepdesinde ýurdyň paýtagty Parižde demonstrantlaryň ýöriş geçiren köçelerinde hiç hili hadysa başdan geçirilmedi.

Tuluza şäherinde 300 demonstrantyň gatnaşan protest ýörüşinde dartgynly pursatlar başdan geçirildi. Şäheriň merkezine girmäge synanyşan protestçiler bilen polisiýa işgärleriniň arasynda dartgynlyk başdan geçirildi. Polisiýa işgärleri demonstrantlara garşy gözüňi ýaşardýan gaz ulandy.

Klermon-Ferran şäherindäki protestlerde, polisiýa işgärleriniň hepdäniň içinde iş şertlerini protest etmek üçin demonstrasiýa geçiren ýangyn söndüriji işgärlere garşy gözüňi ýaşardýan gaz ulanmagyna nägilelik bildirildi. Demostrantlar Makrona we hökümete garşy şygarlar aýtdylar.

Bordo, Lill we Lion ýaly şäherlerde hem demonstrasiýalar geçirildi. Demonstrasiýalara ýüzlerçe adam gatnaşdy.

Ýurdyň Içeri işler ministrligi geçen hepde bolşy ýaly demonstrasiýalara gatnaşan adamlaryň sany bilen bagly maglumat bermedi.

Sary ýeňsizlileriň protestleri 2018-nji ýylyň 17-nji noýabrynda başlapdy. Demonstrasiýalarda häzirki wagta çenli 11 adam ýogaldy, 4245-den gowrak adam ýaralandy we 12107-den gowrak adam göz tussaglygyna alyndy.