Eýran, ABŞ-nyň Russiýa we Hytaýa goýan sanksiýalaryny ýazgardy

Eýranyň Daşary işler ministrliginiň metbugat geňeşçisi Abbas Musewi, ABŞ-nyň Russiýaly we Hytaýly firmalara goýan sanksiýa kararyny ýazgardy

Musewi mesele hakynda beren ýazmaça beýanatynda, ABŞ-nyň Russiýa we Hytaýa goýan sanksiýalaryny tankyt etdi.

ABŞ-nyň soňky sanksiýalarynyň ähli ýurtlary Eýran bilen hyzmatdaşlyk etmäge höweslendirýän BMG-nyň Howpsyzlyk geňeşiniň 2231 belgili kararlaryna bap gelmeýändigini nygtan Musewi, Amerikan hökümetiniň bu karary bilen BMG-nyň Howpsyzlyk geňeşiniň kararlaryna laýyklykda hereket edýän beýleki ýurtlary jezalandyrýandygyny belledi.

Musewi, ABŞ-nyň sanksiýalarynyň sebiti durnuksyzlaşdyrýandygyny we halkara söwda gatnaşyklaryna wehim salýandygyny nygtady.